رسالتان من داخل سجن بدر

رسالتان من داخل سجن بدر تشكيان فيها المعاناة داخل السجن، ينشرهما مركز الشهاب كما وردتا:

الرسالة الأولى

"السلام عليكم والدي الحبيب أمي الغالية وحشتوني كثيراً أنا بخير الحمد لله وصلت شنطة العلاج مفيهاش غير كولشيسين والفوار والفرشاه ضابط الأمن الوطني مانع اي حاجه إنها تدخل وحتى الصور بعد ما كان قال هتدخل في العلاج مادخلت مع الشنطة عموما انا مش عايزكم تيجوا هنا تاني وهو ربنا ينتقم منه من وقت ما استلم السجن وهو مضيق علينا حتى رئيس المصلحه بيقول ان إحنا عايزين نفتح والأمن الوطني رافض وفعلا هو بيتعامل زي فرعون ناقص يقول( انا ربكم الأعلى) وناسي حمزه البسيوني كان عامل ازاي وأخرته بقت إزاي بيتعمد يضيق علينا ويستفزنا علشان في الاخر يقول لقياداته إننا خطر وما ينفعش يتفتح علينا افضحوه في كل مكان وادعوا عليه ربنا ينتقم منه ويعجل بهلاكه دائما بادعلكم في حفظ الله"

الرسالة الثانية

"السلام عليكم والدي الحبيب أمي الغالية إخوتي أشتاق إليكم جميعا للأسف الأمن الوطني سيطر على السجن هنا والوضع مبقاش يختلف عن العقرب كثير غير إن الغرف أوسع. لكن المعامله رجعت زي الزفت شبه المعاملة في 2018 لدرجة ان في ناس اتكهربت هنا والأمن بنفسه بيقولنا الإداره والنظام هنا بتاع أمن الدولة وهنا زي العقرب بالضبط الغريب ان فيه كلام بنسمعه عن المصالحه بين الإخوان والنظام لكن واضح إن أمن الدولة له رأي مختلف وبيضيق علينا. عموما الوضع هنا ميفرقش عن مقرات أمن الدولة كتير، خصوصا إن مفيش جلسات فاحنا مانعرفش عن العالم حوالينا شئ مش عايز ادويه ولا شنط تاني لأنهم مش بيدخلوا حاجه اخر شنطه يوم ما دخلت فيها كولشيسين وفوار بس وصابونه مش عايزكم تيجوا المكان ده تاني. دعواتكم أنا الحمد لله باتجنبهم وبابعد عن المشاكل ما تقلقوش عليا المهم عندي إنتم. إبنكم"

#مركز_الشهاب_لحقوق_الإنسان