رسالة من أم المواطن/ محمود راتب، المختفي قسرا منذ 2019

رسالة من أم المواطن/ محمود راتب، المختفي قسرا منذ 2019:

"الى كل مسئوول فى بلدى الحبيبة انا ام مصرية وافتخر انى من هذا البلد لكن اناحزينة جدا جدا ودموعي مش بتجف بقالى ثلاث سنوات لما ارى ابني اتاخد وهو راجع من شغله فى مثل هذا الوقت والساعة وهذا اليوم لا اعرف عنه شئ لحد الان وقلبي بيتقطع كل يوم علشان مش عارفة ابني فين وليه السنوات دى كلها وكل يوم اصبر نفسي واقول هلاقيه داخل عليا بدون فائدة ابني مسالم جدا وهو بارا بى وبوالده وبنحبه كثيرا من قلبه الجميل وطيبته معانا ومع كل العائلة ومع كل الناس وبيجبر بخاطر كل واحد وكل الناس بتحبه هو عيني اللى بشوف بيها هو نبض قلبي ليه اتحرم منه ثلاث سنوات هو سندى فالدنيا بعد ربنا سبحانه وتعالى عمره مافرقني ولا غاب عني كده نفسي اشوفه واحضنه خايفة اموت من غير ماشوفه وبدعى ربنا ان كان اجلى قرب انك يارب تمد فى عمرى علشان اشوفه ومش مهم بعد كده اى حاجة والله من كتر التفكير انا مش بنام وقلبي واجعني عليه قوى ارجوكم ارحمونى رجعولى ابني وضنايا

ابني مختفى من يوم ١٣/١٠/٢٠١٩

ابني اسمه محمود راتب يونس عاوزة اعرف ليه العذاب ده اللى انا بتعذبه علشان اعرف ابني فين ارجوكم اتوسل اليكم

ولكم جزيل الشكر"

#مركز_الشهاب_لحقوق_الإنسان