🔹 في يوم ميلاده السبعين.. ابنة الدكتور محمد سعد عليوة تُوجّه رسالة مؤثرة لوالدها المعتقل منذ 10 سنوات
كتبت ابنة الدكتور محمد سعد عليوة عبر صفحتها على فيسبوك رسالة مؤثرة قالت فيها:
"انا مش قادرة استوعب اني هكتب الكلام ده ..
بابا انهارده تم ٧٠ سنه !!
٧٠ سنه السن اللي لما حد بيوصله بيبقي مش عايز حاجه غير انه يكون وسط اولاده و احفاده بيفرح بيهم و بلمتهم حواليه
بابا تم ٦٠ سنه و هو بعيد عننا و تم ٧٠ سنه و هو بردو بعيد عننا ولا يعرف عننا حاجه و لا احنا نعرف عنه حاجه غير انه في امس الحاجه لوجودنا حواليه
بنتي اللي عندها ٥ سنين مشافتهوش ولا مره في حياتها و كل شويه تقولي انا كان نفسي جدو محمد يبقي موجود معايا اوي ببقي مش عارفه ارد اقولها ايه ..
٧٠ سنه يا بابا و المجرمين مش مخلينا نشبع منك و من حضنك
مش قادرين نكون جمبك في تعبك و نخدمك بعنينا
قلبي بيتقطع كل يوم لما بتخيل انه بيتعب و بيغمي عليه و بيتعور و هو مفيش حد حواليه ولا معاه مفيش حد بيرعاه
طيب ياتري هو اصلا وضعه دلوقتي يسمحله انه يرعي نفسه يعني قادر حتي ياخد الادويه بتاعته و يخلي باله من نفسه …
اسئله كتيييير ملهاش اي اجابه عشان احنا عايشين في ظلم ..
بس بابا علمنا ان دايماً يكون عندنا يقين بالله و انا عندي يقين بالله ان الظلم هيجي وقت و ينتهي ..
بحبك يا بابا و فخوره بيك لحد اخر يوم في عمري 💙"
🔸 مركز الشهاب لحقوق الإنسان يعلن تضامنه الكامل مع ابنة الدكتور محمد سعد عليوة، ويُجدد مطالبته بالإفراج الفوري عنه وعن جميع المعتقلين في مصر، خصوصًا كبار السن والمرضى، احترامًا لحقوق الإنسان والكرامة الإنسانية.
#مركز_الشهاب_لحقوق_الإنسان
