🟥 استمرار الانتهاكات بحق الناشط محمد عادل.. وزوجته تطالب بالإفراج الفوري
✍️ كتبت زوجته في الذكرى الخامسة لعقد قرانهما:
"زي النهارده 6 نوفمبر.. ذكرى كتب كتابي أنا ومحمد عادل."
رغم إن القرار كان صعب وقاسي في اتخاذه وفي اللي ترتب عليه، لكني فخورة إني كملت وما ضعّتش حب عمري ولسه ثابتة ومكملة.
قصتنا بدأت من 13 سنة، والسجن كان حاضر فيها بقوة.
منعنا من كل شيء حلو، وبقت معظم ذكرياتنا داخل السجون.
لسه عندنا أمل إن المأساة دي تنتهي، وإن يكون للعقاب نهاية.
الدولة عاقبتنا بـ 12 سنة خسارة من حياتنا بسبب آراء سلمية لا فيها عنف ولا تحريض.
"أتمنى تكون دي آخر مناسبة يكون محمد بعيد فيها عني.. أمنيتي الوحيدة إن السجن يخرج من حياتي."
🔴 تطالب زوجته بالإفراج الفوري عن محمد عادل، ووقف الانتهاكات بحقه واحترام حقه في حرية الرأي والتعبير.
#مركز_الشهاب_لحقوق_الإنسان
