#انتهاكات_بحق_المعتقلين| #مصر

ورد إلى مركز الشهاب رسالة استغاثة من أسرة الدكتور "سعد عمارة"، ننشرها كما وصلتنا:

((والدي اتقبض عليه فجر يوم ٢٧يوليو سنه٢٠٢٠ اختفي قسريا حوالي شهر ونص وهو مريض بروستاتا وحرم من العلاج ونتيجه ذلك احتباس البول

و في أثناء الاختفاء القسري كانت حالته خطيره بسبب تضخم البروستاتا وأنه لم يتعاطي اي دواء أثناء الاختفاء وكان يتعرض لآلام شديده نتيجه لذلك واحتباس البول يسمم الدم ويؤدي للوفاه رغم ذلك تم ترحيله إلى ليمان طره في حبس انفرادي وتم منع الزياره عنه لمده سنه ثم ذهب لسجن ابو زعبل وكان هناك في زنزانة عاديه وكان في زياره وفي اثناء جلسه في دمياط ومن الجلسه ودوه العقرب بدون اي حاجه معاه لا ملابس ولا دوا ولا اكل كل حاجته في ابو زعبل وبعدين عرفنا إنه اترحل لسجن تاني ومكناش عارفين هو فين لسه عارفين من يومين أنه في بدر ومفيش في بدر اي امكانيات وممنوع الزياره

واالاكل

واصلا كل عائلتي معتقله ومفيش غير انا وامي المريضه

أخي معاذ شهر واحد الجاي هيكمل سبع سنوات هو كان محكوم عليه بالسجن ٥سنوات سجن وخلصهم ومن يومها وهو بيتم تدويره على قضايا وآخرها في ٢٥سبتمبر اتعرض علي نيابه امن الدوله في التجمع واتحبس ١٥ يوم وهو دلوقتي في القناطر

لسه في تلاته تانيين

صهيب محكوم عليه بالسجن لمدة ١٠سنوات و٥مراقبه في قضيه الفتح في وادي النطرون الجديد قضي منهم ٩ اسامه

واحمد اتقبض عليهم مع بابا يوم ٢٧ يوليو سنه٢٠ اختفوا شهرين ونصف وبعدين راحوا الكيلو عشره ونص وهوحاليا في القناطر

وهما الاتنين احمد واسامةصحفيين خريجين اعلام وأحمد كان بيشتغل في الشروق واسامه كان عامل موقع الحصاد علي النت وبعدين كانو بيشتغل في جريده اخباريه

و بابا كان مكتبوله عمليه استئصال البروستاتا وهو فسجن ابو زعبل ومتمتش الدكتور قاله مش محتاج عمليه بعد ما كان مقرر العمليه لما اترحل))

ومركز الشهاب يتضامن مع الأسرة، ويدين جميع أشكال الانتهاكات بحقهم، ويطالب بوقف هذه الانتهاكات والإفراج عنهم.

#مركز_الشهاب_لحقوق_الإنسان