ورد إلى مركز الشهاب رسالة استغاثة تفضح ما يجري في سجن القناطر للنساء على يد إدارة السجن، جاء فيها:

"انا ليا حد معتقله فى سجن القناطر طبعا كان فيه ظابط اسمه احمد الحسينى معاملته سيئة جدا

جه واحد مكانه اسمه تامر البحراوى قلنا فى البدايه انه كويس لكن للاسف طلع انسان قذر جدا بيعامل المعتقلات السياسيات وحش جدا لدرجة ان فى واحده من المعتقلات كدرها بانها تنام وتاكل وتشرب فى الحمام اسمها امل عبدالفتاح لمدة 3ايام

وكل شوية تشريفه جوا السجن وتفتيش وتكدير واهانه ومانعين التعامل للسياسيات مع بعض ومع حتى الجنائيات والمعامله جوا سجن القناطر الخيرية لدرجة اننا حاولنا ندخل ادوية اكتئاب لان هيا هددتنا بالانتحار من سوء المعامله

حتى التريض بقى ممنوع وفى منهن اصيب بلوثات عقليه أسوء مما تتخيل وفى مخبر من الامن الوطنى اسمه سيد من اقذر المخلوقات على الارض يلف ياخد فلوس من المحبوسين دعاره ومخدارت ويجى عند السياسي ويقلب وشه كانهم عار حسبى الله ونعم الوكيل"

ومركز الشهاب يدين كافة صور الانتهاكات بسجن القناطر والسجون المصرية، ويطالب بالتحقيق في هذه الانتهاكات ومحاسبة المسؤولين والإفراج عن المعتقلات.

#مركز_الشهاب_لحقوق_الإنسان