Friday 15 November 2024
رسالة المعتقل عمر علي لوالدته أثناء الزيارة..
إحنا خلاص اتنسينا.. من زمان يا ماما وانا بقولك اللي برا برا واللي جوه جوه.. اللي بنعيشه هنا يا ماما صعب على أي مخلوق يتخيله.. حاجات كتير مبنقدرش نحكيها وصعب نحكيها.. تفاصيل كتير مؤلمه ميعرفهاش إلا اللي عاشها معانا جوه هنا ومع ذلك اللي عاشها معانا وعارف وجعها بعد ما بيخرج بينشغل وينسانا مابالك باللي معشهاش أصلا هيفتكرنا إزاي خلاص الناس مع مرور السنين اتعودت على غيابنا وواحده وواحده نسيتنا مش بلوم عليهم لأن بسمع إن الحياه بقت صعبه أوي برا ولكن بوصفلك واقع خلاصه لما نقابل ربنا لقاء بتمنى قربه.. ده كان رد عمر عليا لما كنت بحاول أديله شوية أمل بعد زيارتي للطبيب بسبب ظهور حاجات على جسم عمر شخصها الدكتور بقرح فراش بسبب نومه المستمر على الأرض.. دعواتكم لعمر ولكل عمر مع دخول البرد ونوم الأرض ومن غير فرش.. اللهم هونها وارحمهم برحمتك يا أرحم الراحمين.
Related Topics
استمرار الانتهاكات بحق الأستاذة هدى عبد المنعم
7 months ago
