رسالة من داخل سجن وادي النطرون 440: "نموت واحدًا تلو الآخر"

🔴 رسالة من داخل سجن وادي النطرون 440: "نموت واحدًا تلو الآخر"

📌 وصل مركز الشهاب لحقوق الإنسان رسالة استغاثة من المعتقلين داخل سجن وادي النطرون 440، تكشف حجم الانتهاكات الممنهجة وسوء الأوضاع الصحية والمعيشية داخل السجن، وجاء في نصها:

📝 "احنا النهارده، زميلنا اللي معانا في السجن مات، إبراهيم صقر، راجل رياضي وصحته كانت كويسة. لكن احنا عايشين في حالة كبت من ساعة ما جينا السجن ده.

▪️ بعد ما كنا بنطلع تريض 6 ساعات، دلوقتي مش بنشوف الشمس غير ساعة أو ساعتين في اليوم.

▪️ رئيس المباحث مانع عننا كل حاجة، وأي طلب لازم يعدي من عنده وبيمنعه.

▪️ ممنوعين من شراء حاجات من الكافتيريا، والحاجات الموجودة رديئة وأسعارها غالية.

▪️ الزيارات ثلث ساعة بس كل شهر، ولو جه ابن أختي أو بنت أختي يمنعوهم من الدخول.

▪️ الملف الطبي سيئ للغاية، والمرضى بالسكر والضغط والقلب مش لاقيين علاج.

▪️ العلاج ناقص وبيكفي يومين بس من أصل 10 أيام.

▪️ في مرضى محتاجين يتحولوا لعيادات خارجية، والدكاترة بيرفضوا؛ واحد عنده ميه بيضا مبقاش يشوف، والتاني مريض قلب استنى 3 و4 شهور عشان يتحول.

▪️ احنا بنموت واحد ورا واحد من الضغط اللي عايشين فيه. عايشين في الزنازين 22 و24 ساعة، وضع غير آدمي.

⚠️ ده تالت واحد يموت الشهر ده من ساعة ما جينا السجن. أهالينا وولادنا ذنبهم ايه؟ أنا بقالى 12 سنة ما شفتش بنتي وابني. زوجتي بتتعامل أقذر معاملة من المخبرين في الزيارات. إمتى هتتكلموا عنا؟"

⚖️ ويؤكد مركز الشهاب أن ما ورد بالرسالة يبرهن مجددًا على خطورة الأوضاع داخل السجون المصرية، حيث يتعرض المعتقلون لانتهاكات جسيمة قد ترقى لجرائم ضد الإنسانية.